PAHAYAG NI BISE PRESIDENTE JEJOMAR C. BINAY SA PAGGAWAD NI PANGULONG BENIGNO AQUINO III NG P2M REWARD SA MAKAPAGTUTURO SA KINAROROONAN NI DELFIN LEE (Posted: August 16, 2012)

            NAGAGALAK AKO SA SINABI NG ATING MAHAL NA PANGULONG NOYNOY AQUINO. NAKITA NYA NA KAILANGANG MABIGYAN NG AGARANG HUSTISYA ANG MGA NABIKTIMA NI DELFIN LEE. ORDINARYONG MANGGAGAWA ANG NILINLANG NIYA AT SINIRA NG GLOBE ASIATIQUE SCAM ANG PANGARAP NILANG MAGKAROON NG SARILING BAHAY. NILOKO PA NG GLOBE ASIATIQUE ANG GOBYERNO SA PAMAMAGITAN NG PAGGAMIT NG GHOST BORROWERS AT PEKENG DOKUMENTO PARA MAKAKUHA NG PITONG BILYON SA PAG-IBIG.

            DETERMINADO ANG ATING PANGULO NA TAPUSIN ANG GANITONG PAGSASAMANTALA AT KAMI SA HOUSING SECTOR AY BUO ANG SUPORTA SA KAMPANYANG ITO. INAASAHAN KO NA SA PAMAMAGITAN NG REWARD NA ITO, MAS MAPAPADALI ANG PAGHAHANAP KAY MR. LEE AT PAGKAMIT NG HUSTISYA PARA SA MGA NABIKTIMA NG GLOBE ASIATIQUE.